මාර්තු 19 වනදා (අඟහරුවාදා) සිට නැවතත් වෘත්තීය සමිති ක්‍රියාමාර්ග ආරම්භ කරන බව සෞඛ්‍ය වෘත්තීය සමිති සන්ධානයේ කැඳවුම්කරු රවී කුමුදේශ් මහතා පවසයි.
තම ඉල්ලීම් සම්බන්ධයෙන් බලධාරීන්ගෙන් යහපත් ප්‍රතිචාරයක් මෙතෙක් ලැබී නොමැති අතර තම ගැටලු විසඳීම සඳහා මුදල් අමාත්‍යාංශය කඩිනමින් මැදිහත් නොවන්නේ නම් මෙසේ 19 වෙනිදා සිට අදාළ ක්‍රියාමාර්ගයට එළඹෙන බවයි ඒ මහතා අද (15) සඳහන් කළේ.
වෛද්‍යවරුන්ට ලබාදී ඇති DAT දීමනාව හා සමාන දීමනාවක් තමන්ටත් ලබාදීම ඇතුළු ඉල්ලීම් කිහිපයක් මුල් කරගනිමින් මීට පෙරත් අවස්ථා කිහිපයකදීම සෞඛ්‍ය වෘත්තීය සමිති සංකේත වැඩවර්ජනවල නිරත වූහ.
RN
