සටහන – රුවන් නෙළුගොල්ල
ඊයේ (14) සවස 06.30 ට පමණ අම්බලන්ගොඩ, ඉඩම්තොට ප්රදේශයේ සිදුවූ වෙඩිතැබීමකින් පුද්ගලයකු ජීවිතක්ෂයට පත්ව තිබිණි.
මෙසේ මියගොස් ඇත්තේ ඉඩම්තොට, කුලීගොඩ පදිංචි තිරිමාදුර සමන් ක්රිෂාන්ත මෙන්ඩිස් නොහොත් පොඩි සුද්දා නමැති අයෙකි. ඔහු 39 හැවිරිදි අයෙකු බවත් සිව්දරු පියෙකු බවත් සඳහන්.
මෙම පුද්ගලයා අම්බලන්ගොඩ නගරයට යාම සඳහා බස් රථයට නැඟීමට ඉඩම්තොට හන්දියේ බුදු මැදුර අසල රැඳී සිටියදී යතුරුපැදියකින් පැමිණි නාඳුනන වෙඩික්කරුවන් දෙදෙනෙකු විසින් වෙඩිතබා පළාගොස් ඇත.
වෙඩි ප්රහාරයෙන් බරපතළ තුවාල ලැබූ ඔහු බලපිටිය මූලික රෝහලට රැගෙන යන විටත් මියගොස් සිට ඇති බවයි පොලීසිය පවසන්නේ.
ඔහු පොලීසියට ඔත්තු ලබාදෙන්නේ යැයි ඇතිවූ සැකයක් මත මෙසේ වෙඩිතබා ඝාතනය කරන්නට ඇතැයි සැකයක් පවතින බවත් ආරංචිමාර්ග සඳහන් කළේය.
