සටහන – නිශ්මං රණසිංහ
මාර්තු 16, කොළඹ (LNW): විරේන් නෙත්තසිංහ නෙදර්ලන්තයේ පැවත්වෙන FZ FORZA Dutch International 2024 තරගාවලියේ අවසන් අට දෙනා අතරට පිවීසීමට සමත් වුණා.මෙම තරගාවලිය නායේජනය කර බැඩ්මින්ටන් ක්‍රීඩකයන් අතර අංක එකේ ක්‍රීඩකයා හැටියට ශ්‍රේණිගතව සිටින විරේන් සිය පළමු ප්‍රතිවාදියා වූ හෙන්ග් ලින් පරාජයට පත් කළේ වට 2-0 ක් ලෙසයි.විනාඩි 27 ක් ගත වූ මෙම තරගයේදී ලකුණු තත්ත්වය 21 -14 ක් සහ 21 – 10 ක් ලෙස පරාජය වුණා.
විරෙන් සිය දෙවන තරගයේදී ස්විට්සර්ලන්තයේ ජුලියන් ස්කේවිලර් හමු වුණා.විනාඩි 8 ක් ගත වෙන තැන ලකුණු 13 – 4 ක් ලෙස විරේන් ඉදිරියෙන් සිිටියදි ජුලියන් තරගයෙන් ඉවත් වූ නිසා විරේනට ජය හිමි වුණා.අවසන් අට දෙනා අතර පැවත්වෙන තරග වටයේදී යළිත් විරේන්ගේ ප්‍රතිවාදියා ලෙස හමුවන්නේත් යුරෝපීය ක්‍රීඩකයෙකුයි.ස්වීඩනය නියෝජනය ඇන්ඩි ෆැඩෙල් මුහම්මද් මේ තරගයේදී විරේන්ගේ ප්‍රතිවාදියා ලෙස සටනට පිවිසෙනවා.
ඉකුත් දිනක ශ්‍රී ලංකාව නිර්මාණය කළ අංක එකේ බැඩිමින්ටන් ක්‍රීඩකයා වන නිලූක කරුණාරත්න සමුගැනීමේ අවස්ථාවේදී ද මාධ්‍ය විසින් මතු කරන ලද කරුණු හමුවේ වර්ථමාන බැඩිමින්ටන් පරිපාලනය හොඳින් ක්‍රියාත්මක වන බවත් විරේන් නෙත්තසිංහ මෙවර ඔලිම්පික් තරගාවලිය නියෝජනය කරනු ඇති බවට තමාට විශ්වාසයක් තිබෙන බවත් පැවසීය.
