නෙල්ලිගල බෞද්ධ මධ්‍යස්ථානය වන්දනා කිරීම සඳහා පැමිණි පිරිසක් රැගත් බස් රථයක් ඊයේ (16) පස්වරුවේ අනතුරට ලක්වීමෙන් එක් අයෙකු මියගොස් තවත් 37 දෙනෙකු තුවාල ලබා රෝහල්ගත කර ඇති බව වාර්තා වේ.
මෙම අනතුර සිදුව ඇත්තේ පේරාදෙණිය, කොබ්බෑකඩුව හන්දිය, යහලතැන්න ප්‍රදේශයේදී ය.
වන්දනාකරුවන් රැගත් බස් රථය නෙල්ලිගල සිට පූඩළුඔය දෙසට ගමන් කරමින් තිබියදී රියදුරුට බස් රථය පාලනය කර ගැනීමට නොහැකිව බෑවුමකට ලිස්සා ගොස් ගසක හැපීමෙන් අනතුර සිදුව තිබිණි.
අනතුරෙන් බස් රථයේ රියදුරු ඇතුළු 38 දෙනෙකු තුවාල ලබා පේරාදෙණිය රෝහලට ඇතුළත් කර ඇති අතර රෝහලට ඇතුළත් කරන අවස්ථාවේ එක් පුද්ගලයකු මියගොස් ඇති බව සඳහන්.
මෙසේ මියගොස් ඇත්තේ හාල්පොළ, පුඩළුඔය ප්‍රදේශයේ පදිංචි 79 හැවිරිදි පුද්ගලයෙකි.
තුවාලකරුවන් අතරින් බරපතළ තත්වයේ පසුවූ දෙදෙනෙකු මහනුවර රෝහලට මාරු කර යවා ඇති බවත් වාර්තා විය.
ඡායාරූප – Accident 1st
RN
