සටහන – රෂිකා හෙන්නායක
මාර්තු 18, කොළඹ (LNW): පවතින අධික වියළි කාලගුනයත් සමඟ බුත්තල රහතන් කන්ද රක්ෂිතයේ හටගත් ගින්නකින් අක්කර 30කට ආසන්න ප්‍රමාණයක් විනාශයට පත්ව අති බව වාර්තා වේ.
දින එකහමාරක් තිස්සේ රහතන් කන්ද කදු රක්ෂිතයේ හටගත් මෙම ගින්න පැතිර ගොස් තිබූ බව සඳහන්වේ.
පොලිසිය සැක පළ කරන්නේ, කිසියම් පුද්ගලයෙකු රක්ෂිතයට ගිනි තබන්නට ඇති බවයි.
දැඩි වියලි කාලගුණික තත්ත්වය හා සුළං හමුවේ ගින්න සිඝ්‍රයෙන් පැතිර ගොස් ඇති අතර, අද (18) උදෑසන වන විට ගින්න පැතිර යාම සම්පුර්ණයෙන්ම පාලනය වු බව මොණරාගල දිස්ත්‍රික් ආපදා කළමනාකරණ ඒකකයේ සහකාර අධ්‍යක්ෂ රවින්ද්‍ර කුමාර මහතා සදහන් කළේය.
මෙම ගින්නෙන් රක්ෂිතයේ ඉපැරණි ශාක රැසක් විනාශ වී ඇති බවද වාර්තා වේ.
