නවදිල්ලියේ පැවැති ප්‍රදර්ශනයක් විවෘත කිරීමේ උත්සව අවස්ථාවකට එක්වෙමින් ඉන්දීය විදේශ කටයුතු අමාත්‍ය ආචාර්ය එස් ජයශංකර් පවසා සිටියේ රුධිරය ජලයට වඩා ඝන සේම දුෂ්කර කාලවලදී ඉන්දියාව ශ්‍රී ලංකාව වෙනුවෙන් පෙනී සිටීම ස්වභාවික බවයි. ඉන්දියාවේ ශ්‍රී ලංකා මහ කොමසාරිස් මිලින්ද මොරගොඩ සහ ඉන්දියාවේ විදේශ කටයුතු රාජ්‍ය අමාත්‍ය මීනක්ෂි ලේඛි ද එම අවස්ථාවට එක්ව සිටියහ.
ඉන්දීය මාධ්‍ය වාර්තා කළේ අර්බුදකාරී අවස්ථාවලදී, ඉන්දියාව සිය අසල්වැසියා පළමුවෙන් යන ප්‍රතිපත්තිය අනුගමනය කරමින් එම රටවල් සමඟ එක්ව සිටින බව ඉන්දීය විදේශ කටයුතු අමාත්‍යවරයා එහිදී සඳහන් කළ බවයි .
මෙම අසීරු අවස්ථාවේදී ශ්‍රී ලංකාව අභියෝගය ජය ගනු ඇතැයි සෑමවිටම විශ්වාස කරන බව ද ඉන්දීය විදේශ කටයුතු අමාත්‍ය ආචාර්ය එස් ජයශංකර් සඳහන් කළ අතර මෙම අවස්ථාවේදී ශ්‍රී ලංකාව සමඟ සැබෑ මිතුරන් ලෙස සිටීම වැදගත් බව ද ඉන්දීය විදේශ කටයුතු අමාත්‍ය ආචාර්ය එස් ජයශංකර් එහිදී පවසා ඇත.
රෂිකා හෙන්නායක
