කොළඹ LNW:හිටපු ජනාධිපති මහින්ද රාජපක්ෂ මහතාට ළඟදීම විජේරාම නිවසින් යාමට සිදුවනු ඇති බව කම්කරු නියෝජ්‍ය අමාත්‍ය මහින්ද ජයසිංහ මහතා පැවසුවේය.
ඔහු මේ බව සඳහන් කළේ අද (20) පළාත් පාලන මැතිවරණය වෙනුවෙන් ගම්පහ දිස්ත්‍රික්කයේ මහ නගර සභා, නගර සභා සහ ප්‍රාදේශීය සභා වෙත නාමයෝජනා භාරදීමෙන් අනතුරුව මාධ්‍ය වෙත අදහස් දක්වමිනි.
”දේශබන්දුත් කට්ටි පැන පැන හිටියනේ දවස් 20ක් විතර. අන්තිමට ඇවිල්ලා භාරවෙන්න සිද්ධ වුණා. ඒවගේම මහින්ද රාජපක්ෂටත් අපි හිතනවා ඒගොල්ලෝ මේ රටේ ජනතාවට ආදරය කරනවා නම් රට ගැන යම් හෝ කැක්කුමක් තියෙනවනම් මේ විදිහට ජනතාවගේ බදු මුදලින් මාසෙකට ලක්ෂ 46ක් වැනි කුලියක් ගෙවිය යුතු නිවසක මහින්ද මහත්තයයි ශිරන්ති නෝනයි දෙන්නා තනිවම පදිංචිවෙලා ඉන්න එක සාධාරණ නැහැ. යුක්ති සහගත නැහැ. ඒ නිසා අපි විශ්වාස කරනවා ඔවුන් ජනතාව ගැන හිතන පාලකයෝ නම්,හිතපු පාලකයෝ නම් ජනතාවගේ වුවමනාවන් අනුව කටයුතු කරාවී කියල.”
ඒ අනුව ඔවුන්ට අනිවාර්යයෙන් එම නිවසින් යාමට සිදුවන බව නියෝජ්‍ය අමාත්‍යවරයා ප්‍රකාශ කරන ලදී.
ආශිකා බ්‍රාහ්මණ
