බොරැල්ල සියලු ශාන්තුවරයන්ගේ දේවස්ථානයේ තිබී අත්බෝම්බයක් හමුවීමේ සිද්ධියට අදාලව අත්අඩංගුවට ගෙන රක්ෂිත බන්ධනාගාර ගත කර සිටි විශ්‍රාමික වෛද්‍යවරයා ඇපමත මුදා හැර තිබෙනවා.
අදාල වෛද්‍යවරයා ඇපමත මුදා හරින්නැයි ඉල්ලා ඇප ඉල්ලීමක් කොළඹ මහාධිකරණය වෙත ඉදිරිපත් කර තිබිණි. අදාල ඉල්ලීම සලකා බලා සැකකරු රුපියල් ලක්ෂ 25 ක ශරීර ඇපයක් මත මුදා හැරීමට කොළඹ මහාධිකරණ විනිසුරු මංජුල තිලකරත්න මහතා නියෝග කළේය.
මෙම සිද්ධියට අදාලව අත්අඩංගුවට ගත් සෙසු සැකකරුවන් දෙදෙනා ලබන 29 වැනිදා දක්වා තවදුරටත් රක්ෂිත බන්ධනාගාර ගතව පසු වේ.
UN