රුපියල් 20 ක වටිනාකමින් යුක්ත සමරු කාසි දෙකක් නිකුත් කිරීමට මහ බැංකුව කටයුතු කර තිබෙනවා. මෙම සමරු කාසි ද්විත්වය අද පෙරවරුවේ ජනාධිපති ගෝඨාභය රාජපක්ෂ මහතා වෙත පිළිගැන්වීය.
කොළඹ විශ්වවිද්‍යාලයේ වෛද්‍ය පීඨයට වසර 150 ක් සම්පූර්ණ වීම නිමිත්තෙන් සහ මෙරට තුළ පැවැත්වූ පළමු ජන හා නිවාස සංගණනයට වසර 150 ක් සපිරීම නිමිත්තෙන් මෙම කාසි ද්විත්වය නිකුත් කෙරිණි.
නව සමරු කාසි ජනාධිපතිවරයා පිළිගැන්වීමේ අවස්ථාවට කොළඹ විශ්වවිද්‍යාලයේ උප කුලපති, මහාචාර්ය චන්ද්‍රිකා එල්. විජේරත්න මහත්මිය, ජනලේඛන හා සංඛ්‍යා ලේඛන දෙපාර්තමේන්තුවේ අධ්‍යක්ෂ ජනරාල් පී.එම්.පී. අනුර කුමාර මහතා සහ මහ බැංකු අධිපති අජිත් නිවාඩ් කබ්රාල් මහතා ඇතුළු මහ බැංකුවේ ඉහළ නිලධාරීහු පිරිසක් එක්ව සිටියහ.
UN
