කොළඹ LNW:විශේෂඥ වෛද්‍යවරුන් විසින් සනාථකළ ඉතා බරපතළ විකෘතිභාවයන්ට ලක්ව තිබෙන කළලයන් නීත්‍යනුකූලව ඉවත්කිරීමට නීති සම්පාදනය කිරීම පිළිබඳ අද (21) පාර්ලිමේන්තුවේදී සාකච්ඡාවට ලක්ව තිබේ.
මෙහිදී සමගි ජන බලවේගය පාර්ලිමේන්තු මන්ත්‍රී අජිත් පී පෙරේරා මහතා ආණ්ඩු පක්ෂයෙන් ඉල්ලා ඇත්තේ වෛද්‍ය නිර්දේශ මත ගර්භණීභාවය අවසන් කිරීමේ නීති කඩිනමින් සම්පාදනය කර ක්‍රියාවට නැංවීමට කටයුතු කරන ලෙසයි.
ඉතා බරපතළ විකෘතිභාවයන්ට පත්ව තිබෙන කළල ඉවත්කිරීමට දීර්ඝකාලයක සිට සාකච්ඡා කළත් එය ක්‍රියාවට නැංවීමට නොහැකි වූ බවට මන්ත්‍රීවරයා පෙන්වා දී තිබේ.
ගබ්සාව සඳහා ආරක්ෂිත වෛද්‍යමය ගැබ් ගැනීමක් සිදු කිරීමට සහ ගැබ් ගැනීම අවසන් වීමට පෙර කලලයට හෝ කලලයට බරපතල හානියක් සිදුවුවහොත් එවැනි ගැබ් ගැනීමක් අවසන් කිරීමට ඉඩ සැලසීමට රජය නීති සංශෝධනය කරනු ඇති බවයි ඊට පිළිතුරු දෙමින් අධිකරණ හා ජාතික ඒකාබද්ධතා අමාත්‍ය නීතිඥ හර්ෂණ නානායක්කාර මහතා පවසා ඇත්තේ.
එමෙන්ම රජයේ ධුර කාලය වසර හතරහමාරකින් අවසන් වන අතර එම කාලයට පෙර ආරක්ෂිතව ගැබ් ගැනීම අවසන් කිරීම සම්බන්ධ නීති වෙනස් කරන බවද අමාත්‍යවරයා එහිදී පවසා ඇත.
ආශිකා බ්‍රාහ්මණ
