කොළඹ වරාය වෙත පැමිණි කොකේන් කිලෝග්‍රෑම් 350 ක් සොයා ගැනීමට රේගු නිළධාරීන් සමත් වී තිබෙනවා. මෙම කොකේන් තොගය කන්ටේනර් 04 ක අසුරා තිබූ බවයි වාර්තා වන්නේ.
පැනමාවේ සිට බෙල්ජියම, සෞදි අරාබිය හරහා මෙම කොකේන් තොගය කොළඹ වරාය වෙත පැමිණ ඇති අතර ඒවා ඉන්දියාව වෙත ප්‍රතිනැව්ගත කිරීමට සූදානම්ව සිට ඇති බවයි වාර්තා වන්නේ.
මෙම බහාලුම් තුළ අබලි යකඩ අඩංගු බවට නැව් භාණ්ඩ ලේඛනවල සඳහන් කර තිබූ අතර ශ්‍රී ලංකා රේගුවේ වරාය පාලන අංශයේ නිළධාරීන් සිදුකළ පරීක්ෂාවකදී හෙලි වී තිබෙන්නේ අබලි යකඩ ගෙන්වන මුවාවෙන් කොකේන් මෙරටට ගෙන්වා ඇති බවයි.
මෙම මත්ද්‍රව්‍ය තොගයේ වටිනාකම රුපියල් කෝටි 600 ක් බවට ගණන් බලා ඇත.
අත්අඩංගුවට ගත් මත්ද්‍රව්‍ය තොගය මූලික විමර්ශනවලින් පසුව පොලිස් මත්ද්‍රව්‍ය කාර්යාංශය වෙත බාරදීමට නියමිතය.
UN