රෂිකා හෙන්නායක මාර්තු 23, කොළඹ (LNW):
කොම්පඤ්ඤ වීදිය ප්‍රදේශයේ පිහිටි රාත්‍රි සමාජ ශාලාවක ඇති වූ ගැටුම සම්බන්ධයෙන් යෝෂිත රාජපක්ෂ සමග පැමිණි සැකකරුවන් තිදෙනෙකු බව හඳුනාගෙන තිබෙන අතර, ඔවුන් අත්අඩංගුවට ගැනීමට පොලිස් කණ්ඩායම් කිහිපයක් ඔස්සේ පරික්ෂණ ක්‍රියාත්මක බව, පොලීසිය සඳහන් කළේය.
යෝෂිත රාජපක්ෂ සමග පැමිණි පිරිසක් කළ පහරදීමකින්, අදාළ රාත්‍රි සමාජ ශාලාවේ ආරක්ෂක නිලධාරියෙකු තුවාල ලබා ඇති බව වාර්තා වන අතර, තුවාල ලැබූ ආරක්ෂක නිලධාරියා මේ වනවිට කොළඹ පෞද්ගලික රෝහලක ප්‍රතිකාර ලබමින් සිටින බව පැවසේ.
සිද්ධිය සම්බන්ධයෙන් කොම්පඤ්ඤ වීදිය පොලීසිය විමර්ශන ආරම්භ කර තිබෙන බව වැඩිදුරටත් වාර්තා වේ.
