රෂිකා හෙන්නායක මාර්තු 23 ,ලෝකය (අවුට්බවුන්ඩ් ටුඩේ):
අඛණ්ඩව හතරවන දිනටත්, තුර්කියේ ස්ථාන්බූල් නගරාධිපතිවරයා අත්අඩංගුවට ගැනීමට විරෝධය පළකරමින් දහස් ගණනක පිරිසක් විරෝධතාවල නිරත වන බව විදෙස් මාධ්‍ය වාර්තා කරයි. එරට මාධ්‍ය වාර්තා කරන්නේ, දශකයකට පමණ පසු තුර්කියේ පැවැත්වෙන දැවැන්තම විරෝධතාවය මෙය ලෙසයි.
තුර්කි ජනාධිපති තයිප් එර්දෝගන්ගේ ප්‍රධාන ප්‍රතිවාදියෙකු ලෙස සැලකෙන ස්ථාන්බූල් නගරාධිපතිවරයා 2028 වසරේ ජනාධිපතිවරණයේ අපේක්ෂකයෙකු ලෙස නම් කිරීමට දිනකට පෙර මෙලෙස අත්අඩංගුවට ගැනුණි.
ත්‍රස්තවාදය හා දූෂණ චෝදනා ඔහුට එරෙහිව එල්ලකර ඇති අතර එම සියලු චෝදනා ප්‍රතික්ෂේප කරන බව එරට අධිකරණය ඉදිරියේ ඔහු සඳහන් කර ඇත.
එරට පොලිසිය පියවර ගෙන ඇත්තේ, විරෝධතාකරුවන් විසිරුවා හැරීම සඳහා කදුලුගෑස් යොදාගැනීමටයි. එරට මාධ්‍ය වාර්තා කළේ, මානව හිමිකම්/ නීතිය හා යුක්තිය ඉටුකරන ලෙස විරෝධතාකරුවන් රජයට බලකර සිටින බවයි.
