කොළඹ LNW:කළුතර කලපුවේ විනෝදයට ඔරු පදිමින් සිටි පුද්ගලයින් දෙදෙනෙකු දියේ ගිලී මියගොස් තිබේ.
එලෙස මියගොස් ඇත්තේ කළුතර කටුකුරුන්ද ප්‍රදේශයේ පදිංචිව සිටි මොහොමඩ් උසයිර් මොහොමඩ් ඉන්සාෆ් යන තැනැත්තා සහ මොහොමඩ් හුසයින් නමැති පුද්ගලයෙකි.
එක් මරණකරුවෙකු දින දෙකකට පෙර කලපුවේ ඔරු පදිමින් සිටින බව දන්වා දුරකථන ඇමතුමක් ලබාදී තිබූ බවත් ඉන්පසු කිසිදු තොරතුරක් වාර්තා නොවීම මත ලද පැමිණිල්ලක් ලැබී තිබී ඇති අතර මළසිරුරක් කළුතර කලපුවේ පාවෙමින් තිබෙන බවට ලද දුරකථන ඇමතුමක් අනුව පොලීසිය පරීක්ෂණ ආරම්භ කර පැය තුනකට පමණ පසුව තවත් මළසිරුරක් හමුව ඇති බවත් පොලීසිය පවසයි.
සිද්ධිය සම්බන්ධයෙන් කළුතර දකුණ මූලස්ථාන පොලීසිය විසින් වැඩිදුර විමර්ශන සිදුකරයි.
