වහල මත සවිකරන සූර්ය කෝෂවලින් විදුලිබල මණ්ඩලයට විදුලිය ලබාගැනීමේදී විදුලි ඒකකයකට ගෙවන මුදල සංශෝධනය කිරීමට රජය තීරණය කර තිබේ.
ඒ අනුව, විදුලිබල මණ්ඩලයේ නිර්දේශ මත අදාළ මිල ගණන් අඩුකිරීම සඳහා වන යෝජනාව කැබිනට් මණ්ඩලයට ඉදිරිපත් කර ඇති බවයි බලශක්ති අමාත්‍යාංශය පවසන්නේ.
කෙසේවෙතත් මෙම මිල සංශෝධනයන් දැනට ස්ථාපිත කර ඇති සූර්ය විදුලි පද්ධති සඳහා අදාළ නොවන අතර නව සූර්ය විදුලි පද්ධති ස්ථාපිත කිරීමේ දී පමණක් මෙම සංශෝධනයන් සිදුකිරීමට නියමිත බවත් සඳහන්.
මේ වන විට විදුලි ඒකකයක් සඳහා රුපියල් 27ක මුදලක් ගෙවනු ලබන අතර නව සංශෝධනයත් සමග එය රුපියල් 19 දක්වා අඩු කිරීමට නියමිතය.
ඒ ආකාරයට යෝජිත නව මිල ගණන් පහතින් දැක්වේ.
