එක්සත් ජාතික පක්ෂ නායක, හිටපු අග්රාමාත්ය රනිල් වික්රමසිංහ මහතා පෙරේදා (24) දිනයේදී සිය 73 වැනි උපන්දිනය සැමරුවේය.
අග්රාමාත්ය ධුරයත් අහිමිව, පාර්ලිමේන්තුවේත් තනි ආසනයකට වැටී ගෙවුණු පසුගිය දෙවසර තුළ ඒ මහතාගේ උපන්දිනය බොහෝ අයට මතක තිබුණේම නැත. ඇතැම් අය ඒ වනවිට සිතමින් සිටියේ රනිල්ට මල් කළඹ නොව මල්වඩම් යවන්නට ය.
එහෙත් මෙවර උපන්දිනයේදී කොළඹ පිහිටි රනිල් වික්රමසිංහ මහතාගේ නිවසට උපන්දින සුබපැතුම් සමග මල් කළඹවල්, තෑගිබෝග වැසි වැස තිබුණු බවක් අපට වාර්තා විය. දිවයිනේ ප්රමුඛ පෙළේ සමාගම්, ප්රධාන ව්යාපාරිකයින් ඇතුළු විශාල පිරිසක් ඒ මහතාට මෙවර සුබපැතුම් එවා තිබුණු බවයි ආරංචිමාර්ග පැවසුවේ.
මේ ගැන “කාලය මැව් වෙනසක අරුමේ …” කියනවාටත් වඩා අපට කියන්නට ඇත්තේ සුළඟ හමන අතේ වෙනසක් බොහෝ පිරිසකට දැනී ඇති බවකි.
