සටහන – රුවන් නෙළුගොල්ල
පොලිස්පති දේශබන්දු තෙන්නකෝන්ට අධිකරණය මගහරිමින් සැඟවී සිටීමට සහාය දුන් බවට සැකපිට පොලිස් කොස්තාපල්වරයකු සහ තවත් පුද්ගලයකු අත් අඩංගුවට ගෙන තිබේ.
මෙසේ අත් අඩංගුවට ගෙන ඇත්තේ විශේෂ ආරක්ෂක අංශයට අනුයුක්ත පොලිස් කොස්තාපල්වරයකු සහ තලවතුගොඩ ප්‍රදේශයේ පදිංචි තවත් පුද්ගලයෙකි.
දේශබන්දු තෙන්නකෝන් අත් අඩංගුවට ගන්නා ලෙස පසුගිය පෙබරවාරි 27 වනදා මාතර මහේස්ත්‍රාත් අධිකරණය නියම කළ අතර ඔහු මාර්තු 19 වනදා දක්වාම අධිකරණය මගහරිමින් සැඟවී සිටියේය.
පොලීසිය ඔහුව අත් අඩංගුවට ගැනීමට අපොහොසත් වූ අතර මාර්තු 19 වනදා මාතර මහේස්ත්‍රාත් අධිකරණයට භාරවීමෙන් අනතුරුව ඔහු මේ දක්වා රක්ෂිත බන්ධනාගාරගත කර සිටී.
