රෂිකා හෙන්නායක මාර්තු 29, කොළඹ (LNW):
රක්ෂිත බන්ධනාගාරගත කළ පාර්ලිමේන්තු මන්ත්‍රී චාමර සම්පත් දසනායක මහතා තමන්ට පිටතින් ආහාර ගෙන්වා ගැනීමට අවසර ලබා දෙන්නැයි , කොළඹ රිමාන්ඩ් බන්ධනාගාරයෙන් ලිඛිතව ඉල්ලීමක් කර තිබෙන බව සඳහන් වේ.
චාමර මහතා රිමාන්ඩ් බන්ධනාගාරයේ ‘එම්’ වාට්ටුවේ රඳවා සිටින අතර, පසුගියදා රක්ෂිත බන්ධනාගාරගත කළ හිටපු පාර්ලිමේන්තු මන්ත්‍රී එස්. වියාලේන්ද්‍රන් රඳවා සිටින්නේ ද ‘එම්’ වාට්ටුවේ බව බන්ධනාගාර ආරංචි පවසයි.
ඒ අනුව ඔවුන් දෙදෙනා සමග තවත් රැඳවියන් අට දෙනෙකු පමණ එම් වාට්ටුවේ රඳවා සිටින බව වාර්තා වේ. බන්ධනාගාර ආරංචි පැවසුවේ, සාමාන්‍යයෙන් රක්ෂිත බන්ධනාගාරගත කෙරෙන රැඳවියන්ට ලබා දෙන පහසුකම් චාමර සම්පත් දසනායක මන්ත්‍රීවරයාට ද ලබා දී ඇති බවයි. පැදුරක්, කොට්ටයක්, පිඟානක් සහ කෝප්පයක් මන්ත්‍රීවරයාට ද ලබා දී තිබෙන බව වැඩිදුරටත් වාර්තා වේ.
