මාර්තු 30, කොළඹ (LNW): අද (30) දින ශ්‍රී ලංකා නිදහස් පක්ෂයේ සභාපති, හිටපු ජනාධිපති මෛත්‍රිපාල සිරිසේන විසින් පක්ෂයේ සියලු දිස්ත්‍රික් සංවිධායකයන්, ආසන සංවිධායකවරුන් කොළඹට කැඳවා ඇති අතර, මෙහිදී පාර්ලිමේනතු මන්ත්‍රී දුමින්ද දිසානායක, රාජ්‍ය අමාත්‍ය ලසන්ත අලගියවන්න, අමාත්‍ය මහින්ද අමරවීර, ශ්‍රී ලංකා නිදහස් පක්ෂයේ දරන තනතුරු වලින් පමණක් ඉවත් කිරීමට යොජනාවන් ගෙන ඇති බව සඳහන් වේ.
අද පෙරවරුවේ ආරම්භ වූ එම රැස්වීම සඳහා අධිකරණ අමාත්‍ය ආචාර්ය විජේදාස රාජපක්ෂ මහතාද එක්වී සිටියේය. ආරාධිත දේශනයක් සඳහා ඔහු එලෙස පැමිණි බව වාර්තා විය.
නමුත් එයට විරුද්ධව ඇමති නිමල් සිරිපාලද සිල්වා . රාජ්‍ය අමාත්‍ය ලසන්ත අලගියවන්න හා අමාත්‍ය මහින්ද අමරවීර අදහස් දක්වා ඇති වුවද, අනෙක් ආසන සංවිධායකවරු සියලුදෙනාම ඔවුන් තනතුරු වලින් ඉවත් කිරීමට ඒකමතිකව ඡන්දය ප්‍රකාශ කර ඇති බව වාර්තා වේ,
ඒ වන විට මහින්ද අමරවීර, දුමින්ද දිසානායක සහ ලසන්ත අලගියවන්න දැරූ තනතුරු වන්නේ ජාතික සංවිධායක, භාන්ඩාගාරික හා ජේෂ්ඨ උප සභාපති යන තනතුරු වන අතර, එම ජාතික සංවිධායක තනතුර සදහා ශ්‍රී ලංකා නිදහස් පක්ෂයේ මහියංගන ආසන සංවිධායක කේ.පී.ගුණවර්ධන ද භාණ්ඩාගාරික තනතුරට හිටපු බස්නාහිර පළාත් සභා ඇමති හෙක්ටර් බෙට්මගේ ද ජේෂ්ඨ උප සභාපති තනතුරට මධ්‍යම පළාත් සභාවේ හිටපු ප්‍රධාන අමාත්‍ය සරත් ඒකනායක ද පත් කර ඇති බව සඳහන් වේ.
පක්ෂ සභාපති වන මෛත්‍රීපාල සිරිසේන මහතා මෙහිදී පවසා ඇත්තේ, “ආණ්ඩුවේ ඇමති ධූර දරමින් සිටින අය අපි ඉවත් කළ යුතුයි. අපි සංධානයක් හදනකොට වෙනත් පක්ෂ වලින් කැමති නෑ අපිට,ඒ ඉන්න අණ්ඩුවත් එක්ක ගණු දෙනු කරන හින්ද “ යනුවෙන් පවසා ඇත.
