සටහන – රෂිකා හෙන්නායක
මාර්තු 30, කොළඹ (LNW): පාස්කු ඉරුදින ත්‍රස්ත ප්‍රහාරයට සම්භන්ධ සාක්ෂි වසන් කරන්න හැකි බවත්, අපරාධකරුවන්ට පැනයාමට අවස්ථාව ඇති බවත් සැකයක් තිබෙන බව පාර්ලිමේන්තු මන්ත්‍රී කාවින්ද ජයවර්ධන මහතා පැවසීය.
අධිකරණයට මේ තොරතුරු වහාම අධිකරණය වෙත ඉදිරිපත් කර, පාස්කු ප්‍රහාරයෙන් මිය ගිය කතෝලික ජනතාවට තුවල වුණ ජනතාවට සාධාරණයක් ඉටු කිරීමට කල් නොගන්නා ලෙසත් ඉල්ලීම් කරන බවද පවසයි,
හිටපු ජනාධිපති මෛත්‍රීපාල සිරිසේන මහතා පාස්කු ඉරුදින ත්‍රස්ත ප්‍රහාරයේ මහ මොළකරු පිළිබඳ හෙළි නොකර සිටිම වරදක් බවත්, වහාම මෙම සිද්ධිය පිළිබඳ දන්නා තොරතුරු අධිකරණයට ඉදිරිපත් කර පාස්කු ප්‍රහාරයෙන් මියගිය සහ තුවාල ලැබූ කතෝලික ජනතාවට සාධාරණයක් කරන ලෙසත් කාවින්ද ජයවර්ධන මහතා මෙහිදී ඉල්ලා සිටියේය. සමඟි ජනබලවේග ආණ්ඩුවක් බිහි වූ සැණින් පාස්කු ප්‍රහාරය පිළිබඳ පරීක්ෂණ සිදු කළ නිලධාරින් එම තනතුරුවලට නැවත පත් කර පරීක්ෂණ නැවත ආරම්භ කරන බවද ඒ මහතා සඳහන් කළේය.
වැඩිදුරටත් අදහස් දැක්වූ කාවින්ද ජයවර්ධන මහතා,
“මෛත්‍රීපාල සිරිසේන මහතා ජනාධිපති ලෙස කටයුතු කරන සමයේ තමයි මේ ත්‍රස්ත ප්‍රහාරය වුණේ. ඒ අවස්ථාවේ හිටපු ආරක්ෂක ලේකම් කිවුවේ ප්‍රහාරය ගැන දැනගෙන හිටියා, ඒත් ප්‍රහාරය මෙතරම් දරුණු වෙයි කියලා හිතුවේ නෑ කියලා. ඒ වගේම මේ ප්‍රහාරය ගැන බුද්ධි තොරතුරු පවා වාර්තා වෙලා තිබුණා.යම් යම් උසස් පොලිස් නිලධාරීන්ට මේ පිළිබඳ තොරුතරු ලැබිලා තිබුණ බව පාස්කු දින ප්‍රහාර ගැන පරීක්ෂණ කළ ජනාධිපති කොමිසන් සභාවේ වාර්තාවේ සඳහන් වනවා.
“ත්‍රස්ත ප්‍රහාරය පිළිබඳව මෛත්‍රීපාල සිරිසේනට අනාවරණය කළාද යන්න නිලන්ත ජයවර්ධන ගෙන් ජනාධිපති කොමිසන් සභාවේදී ප්‍රශ්න කරන විට ඔහු නිහඩව සිටි බව අනාවරණය වෙනවා. මේ තොරතුරු දෙස බලන විට හිටපු ජනාධිපති මෛත්‍රීපාල සිරිසේන මහතාට ප්‍රහාරය පිළිබඳ යම් දැනුමක් තියෙන්න ඇති කියලා අපිට අනුමාන කරන්න පුළුවන්. ඒ වගේම ඒ පිළිබඳව අපිට සැකයක් තිබෙනවා. එවැනි අවස්ථාවක තමයි හිටපු ජනාධිපති මෛත්‍රීපාල සිරිසේන කියන්නේ පාස්කු ඉරුදින ත්‍රස්ත ප්‍රහාරය සිදුකළ පිරිස පිළිබඳ තොරතුරුක් තුන වැනි පාර්ශ්වයෙන් ලැබුණා කියලා.
මේ තොරුතරු සති තුනකට කලින් මෛත්‍රීපාල සිරිසේන හිටපු ජනාධිපතිවරයාට අනාවරණය වු බව ඔහු පවසනවා. එසේනම් ඇයි මේ පිළිබඳව මෛත්‍රීපාල සිරිසේන හෙළි නොකළේ. හෙළිදරවු නොකර සිටීම අපරාධමය වරදක්. සති තුනක් තුළ තොරතුරු වසන් කරන්න පුළුවන්.
සාක්ෂි වසන් කරන්න පුළුවන්, අපරාධකරුවන්ට පැන යන්න පුළුවන්, එවැනි තත්ත්වයක් ඇති වෙයිද කියලා අපට සැකයක් තිබෙනවා. අධිකරණයට මේ තොරතුරු වහාම අධිකරණය වෙත ඉදිරිපත් කරලා පාස්කු ප්‍රහාරයෙන් මිය ගිය කතෝලික ජනතාවට තුවලා වුණ ජනතාවට සාධාරණයක් ඉටු කරන්න කල් ගන්න එපා කියන ඉල්ලීම කරනවා.”
