කොළඹ LNW: මියන්මාරයට බලපෑ රික්ටර් මාපකයේ 7.7 ක හා 6.4ක ප්‍රබලත්වයකින් යුත් භූ කම්පන හේතුවෙන් මිය ගොස් ඇති ගණන 1700 ඉක්මවා ඇති බව BBC ලෝක සේවය වාර්තා කරයි.
අනතුරින් පැය 72කට පසු තත්ත්වය සම්බන්ධයෙන් වාර්තා කරමින් පවසන්නේ මිය ගිය ගණන 1700 ඉක්මවා ඇති අතර තවත් 300ක් පමණ අතුරුදහන්ව ඇති බවයි.
ඒ අනුව මරණ සංඛ්‍යාව තවත් ඉහළ යා හැකි බව මියන්මාර මිලිටරි ජුන්ටාව මාධ්‍ය වෙත පවසා තිබේ. දැනට වාර්තා වන පරිදි අනතුරින් තුවාල ලබා ඇති සංඛ්‍යාව 3400කි.
මේ අතර මියන්මාරයට මානුෂීය ආධාර ලබාදෙමින් ඔවුන්ට අහය වන ලෙස එක්සත් ජාතීන්ගේ සංවිධානය ලෝක ප්‍රජාවෙන් ඉල්ලීමක් ද කර තිබේ.
එමෙන්ම ලෝක සෞඛ්‍ය සංවිධානය පවන්නේ මියන්මාරයට මේ මොහොතේ ඩොලර් මිලියන 8ක ආධාර අවශ්‍යව ඇති බවයි.
තවද පවුම් මිලියන 10 (ඩොලර් මිලියන 12.9) දක්වා වටිනා “ජීවිතාරක්ෂක ආධාර” පැකේජයක් එක්සත් රාජධානියේ රජය විසින් මියන්මාරයට ලබා දෙන බවද ප්‍රකාශ කර තිබේ.
ආශිකා බ්‍රාහ්මණ
