සුරාබදු දෙපාර්තමේන්තුවට අයත් කැබ් රථයකින් කේරළ ගංජා තොගයක් ප්‍රවාහනය කළ සුරාබදු පරීක්ෂකවරයකු, සුරාබදු සැරයන්වරයකු, රියදුරෙකු සහ සහායකවරයකු පොලිස් මත්ද්‍රව්‍ය නාශක කාර්යාංශය විසින් ඊයේ (01) අත් අඩංගුවට ගෙන තිබේ.
මීගමුව සහ හලාවත ප්‍රදේශයේ සිදුකළ වැටළීමකදී මෙම නිලධාරීන් සිව්දෙනා ඇතුළු 8 දෙනෙකු අත් අඩංගුවට ගෙන ඇති අතර මෙහිදී කේරළ ගංජා කිලෝග්‍රෑම් 45ක පමණ තොගයක් ද සොයාගෙන ඇති බව සඳහන්.
මෙසේ අත් අඩංගුවට ගෙන ඇත්තේ කොළඹ ප්‍රදේශයේ පිහිටි සුරාබදු කාර්යාලයකට අනුයුක්ත පුද්ගලයින් 4 දෙනෙක් වන අතර අනෙක් සැකකරුවන් මීගමුව සහ හලාවත ප්‍රදේශවල පදිංචිකරුවන් වේ.
මොවුන් කාලයක් තිස්සේ කේරළ ගංජා ජාවාරමේ නිරත වී ඇති බවට තොරතුරු අනාවරණය වී ඇති බවත් වාර්තා විය.
RN
