සටහන – පුලී
මාර්තු 12, LNW (කොළඹ): මියගිය ලිංගික අපරාධකරුවෙකු වූ ජෙෆ්රි එප්ස්ටයින් සමඟ වර්තමාන එක්සත් ජනපද ජනාධිපති ඩොනල්ඩ් ට්‍රම්ප්ගේ අඩි 12 කට ආසන්න ප්‍රතිමාවක් ඉකුත් අඟහරුවාදා කැපිටල් හෝල් අසල වොෂින්ටනයේ ජාතික වෙළඳ සංකීර්ණයේ මහජන ප්‍රදර්ශනයට මෙන් දැක ගන්නට හැකි විය.
නිර්නාමික කලාකරුවෙකු විසින් සිදු කරන ලද මෙම උපහාසාත්මක ස්ථාපනය, වොෂින්ටන් ස්මාරකය අසලින් සංචාරකයින්, ජෝගර් සහ ෆෙඩරල් සේවකයින් විශාල පිරිසක් ආකර්ෂණය කර ගැනීමට සමත් විය.
ප්‍රතිමාව මගින් ටයිටැනික් ඉරියව්ව ප්‍රතිනිර්මාණය කර ඇති අතර ට්‍රම්ප් එප්ස්ටයින් පිටුපසින් සිටගෙන සිටින අයුරු පෙන්වයි. මෙම ප්‍රතිමාව ටයිටැනික් චිත්‍රපටයේ ජැක් සහ රෝස් දර්ශනය පිළිබිඹු කරයි.
ප්‍රතිමාව “ඛේදජනක ආදර කතාවක්” ලෙස නිර්මාණය කර ඇත්තේ ඩොනල්ඩ් ට්‍රම්ප් සහ ජෙෆ්රි එප්ස්ටයින් අතර බැඳීම, සුඛෝපභෝගී සංචාර, උණුසුම් සාද සහ රහසිගත නිරුවත් සිතුවම් මත ගොඩනැගී තිබූ අමුතුම මිත්‍රත්වය විදහා පෑම උදෙසාය.
