හිටපු ජනාධිපති, දිවංගත රණසිංහ ප්‍රේමදාස මහතාගේ බිරිඳ වන හේමා ප්‍රේමදාස මහත්මිය තමන්ට රජයෙන් ලබාදී තිබුණු නිල නිවස යළි රජයට භාරදීමට කටයුතු කර තිබේ.
ඒ අනුව පසුගිය සිකුරාදා දිනයේදී ඒ මහත්මිය සිය නිල නිවස රජයට භාරදී ඇත.
ව්‍යවස්ථානුකූලව හිටපු ජනාධිපතිවරුන්ට රජයේ නිල නිවසක් ලැබෙන අතර ජනාධිපතිවරයා මියගිය පසු එම නිල නිවස භාවිතා කිරීමේ අයිතිය බිරිඳට හිමිවේ. ඒ අනුව හේමා ප්‍රේමදාස මහත්මියට ද රජයෙන් නිල නිවසක් හිමිව තිබුණු නමුත් ඒ මහත්මිය එම නිවසේ පදිංචිව නොසිටි අතර ඇය පදිංචිව සිටියේ සිය පෞද්ගලික නිවසක ය. එහෙයින් තමන්ට රජයෙන් හිමිව තිබුණු නිල නිවස නැවතත් රජයට භාරදීමට හේමා ප්‍රේමදාස මහත්මිය පියවර ගෙන තිබිණි.
RN
