සටහන – රෂිකා හෙන්නායක
කොළඹ (LNW): ආර්ථික විශ්ලේෂකයින් පෙන්වා දෙන්නේ, නව දූෂණ විරෝධී පනත් කෙටුම්පතක් ගෙන එන්නේ නම් ආර්ථික සංවර්ධනයට බාධාවක් වන හා ශ්‍රී ලංකාව සම්බන්ධයෙන් ආයෝජකයින්ගේ විශ්වාසය බිඳ හෙළන වංචා දූෂණ නතර කිරීමට අවශ්‍ය ප්‍රතිපාදන ඊට ඇතුළත් විය යුතු බවයි.
කොළඹ විශ්ව විද්‍යාලයේ ආර්ථික විද්‍යා අධ්‍යයන අංශයේ මහාචාර්ය සිරිමල් අබේරත්න පැවසුවේ අල්ලස් ගැනීම සහ කොමිස් මුදල් ලබා ගැනීම නතර කිරීම සඳහාද අවධානයක් යොමු කළ යුතු බවයි.
ලෝකයේ වෙනත් රටවල් අනුගමනය කරනු ලබන නව තාක්ෂණ ක්‍රමවේද යොදා ගැනීමෙන් වංචා දූෂණ නතර කළ හැකි බවත් , ඒ සඳහා ජාතික මට්ටමින් වැඩසටහනක් සකස් විය යුතු බවත් , කොළඹ විශ්ව විද්‍යාලයේ ආර්ථික විද්‍යා අධ්‍යයන අංශයේ මහාචාර්ය සිරිමල් අබේරත්න වැඩිදුරටත් පෙන්වා දෙයි.
