සටහන – රෂිකා හෙන්නායක
අප්‍රේල් 03 , කොළඹ (LNW): විදුලි සැර වැදීමෙන් එක්සත් අරාබි එමීර් රාජ්‍යයේ සාජා නුවරදී මිය ගිය ජයමිණි සඳමාලි විජේසිංහගේ දේහය මෙරටට රැගෙනවිත් ඇත.
ජයමිණි ජිවිතක්ෂයට පත්වුණේ, වසර ගණනකට පසු එක්සත් අරාබි එමිර් රාජ්‍යයට ඇද හැලුනු ධාරාණිපාත වර්ෂාවත් සමඟ ඇති වු ගංවතුර තත්ත්වය නිසා සාජා නුවර භූගතව තිබු විදුලි රැහැන් පද්ධතියකින් විදුලි සැර වැදීම හේතුවෙනුයි.
කළුතර මතුගම ප්‍රදේශයේ පදිංචිව සිටි ඇය සාජා හි සන්නිවේදන ආයතනයක පිළිගැනීමේ නිලධාරිනියක ලෙස සේවය කළ බව සඳහන් වේ.
පසුගිය 9 වනදා රත්‍රීයේ ඇය නැවති සිටි නේවාසිකාගාරයේ සිට වෙළෙඳසැලට යාමට පිටත්ව තිබෙන අතර, එහිදි පැවති ගංවතුර තත්ත්වය හේතුවෙන් විදුලි කාන්දුවීමක් සිදුව තිබු අතර ඒ පිළිබඳ දැනුවත්ව නොසිටි ජයමිණි ගංවතුරට බසිත්ම විදුලි සැර වැදී මිය ගොස් තිබෙන බව වාර්තා වේ.
කටුනායක ගුවන්තොටුපළ වෙත රැගෙන ආ ජයමිණිගේ දේහය ඥාතීන් වෙත භාරදීම සිදුකෙරුණේ අද උදෑසනයි.
