අශෝක ජයතුංග
මාර්තු 30 වොෂින්ටන් LNW :
🍎ඇමෙරිකාවෙන් ශ්‍රී ලංකාවට 44% ක අධික බදු පැනවීමක්……!
🍎වැඩිම බදු පැනවූ දෙවන රට බවට ලංකාව නම් කරයි……!
🍎ලංකා ආණ්ඩුවේ ප්‍රතිචාරය කුමක්ද…..?
🍎සෙසු රටවල් විකල්ප ක්‍රම වලට යොමුවීම හා ඇමෙරිකාවෙන් ගේම ඉල්ලීම….?
🍎මේ සම්බන්ධයෙන් රනිල් ගේ මතය හා උපායන් රටට වැදගත්වීම
ට්‍රම්ප් රජය ලොව සියලු රටවලට බදු පැනවීමේ දෙවන අදියර ඊයේ අප්‍රේල් 02 දා වොෂින්ටනයේදී ප්‍රකාශයට පත් කෙරිණ.
ඒ අනුව ශ්‍රී ලංකාවට 44% ක අධික බදු පැනවීමක් සිදු කිරීමට ඇමෙරිකානෙු බදු පැනවීමේ වෙළෙද දෙපාර්තමේන්තුව සිදුකර තිබේ. ඔවුන් විසින් අධිකම බදු පැනවූ රටවල් අතරට ශ්‍රී ලංකාව ද ඇතුලත් වන අතර ඇමෙරිකාවෙන් ලංකාවට ගෙන්වන ඉතා සුළු භාණ්ඩ ප්‍රමාණයට ලංකාව 88% ක අධික බදු පනවා තිබීමත් ඉන් අඩක් ලෙස 44% ක බදු පැනවීම ඇමෙරිකාව විසින් සිදු කරන බවත් එහිදී අදහස් පලකල ජනපති ට්‍රම්ප් පැවසීය.
ඇමෙරිකාව ඩො බිලියන 03ක භාණ්ඩ ලංකාවෙන් මිලදී ගන්නා අතර ලංකාව පසුගිය වසරේදී ඇමෙරිකාවෙන් ලබාගෙන ඇත්තේ ඩො මිලියන 368 ක සොච්චමක් වීමත් වෙළෙද පරතරය නැතිකර ඇමෙරිකාවට සිදුවන අවාසිය නැති කිරීමත් ට්‍රමිප් පාළනය විසින් සිදුකොට තිබෙන අතර එය ලංකාවට පමණක් නොව ලොව සියලු රටවලට අදාළව ජනපති ට්‍රම්ප් අනුගමනය කරනපොදු ප්‍රතිපත්තියකි.
ශ්‍රී ලංකාවේ අපනයන වලින් 24% ක විශාල පංගුවක් ඇමෙරිකාව ලබාගන්නා පසුබිමක මෙම දැවැන්ත ආර්ථික ප්‍රහාරය ලංකාව කෙසේ සමබර කරගනීද යන්න දැන් පවතින විශාලම ගැටලුව වේ.
යුරෝපා සංගමය චීනය ඉන්දියාව ඇතුළු බොහෝ රටවල් විකල්ප වෙළෙද පොළවල් සොයන හා ඇමෙරිකානු භාණ්ඩ වලට ද අධික බදු පැනවීම සිදු කරන අතර ශ්‍රී ලංකාව මෙම අභියෝගය ජයගන්නා අයුරු ගැන දක්වන උපාය මාර්ග ගැන රජයේ ස්ථාවරය රටට පැහැදිලි කිරීම වැදගත්වේ. බදු දැලෙන් මිදීමට හෝ බදු අවම කරගැනීමට රාජ්‍ය තාන්ත්‍රික මට්ටමින් සියලු රටවල් දැරූ උත්සාහයන්ට ඇමෙරිකානු වෙළෙද දෙපාර්තමේන්තුව කිසිදු ප්‍රතිචාරයක් දක්වා නොමැතිවීම ද විශේෂත්වයකි.
මෙහිදී වියට්නාමයට 46% ක් ලංකාවට 44% ක් චීනය 34% ක් ඉන්දියාව 26% ක් යුරෝපා සංගමය 20% පිලිපීනය 17% ක් හා සිංගපුරුවට 10% ක් ලෙස බදු පනවා තිබේ. එ තුළ වැඩිම බදු පැනවූ දෙවන රට බවට ලංකාව පත්කර තිබේ.
උද්ගතව ඇති ව්‍යාකූල පසුබිම ශ්‍රී ලංකාවට දරාගැනීම අසීරු වන බවත් මෙහිදී හිටපු ජනපති රනිල් ගේ ස්ථාවරය හා උපාය මාර්ග රටට ඉතා වැදගත්වනු ඇති බවත් ලංකාව ගැන උනන්දුවන ඇමෙරිකානු විද්වතුන් හා ඇතැම් ජනමාධ්‍ය අදහස් පළකොට තිබේ.
