සටහන – රුවන් නෙළුගොල්ල
අද (අප්රේල් 03) දිනයේදී කොළඹ කොටස් වෙළෙඳපොළ මිල දර්ශක සැලකිය යුතු පහළ ගොස් තිබේ.
ඒ අනුව, අද දිනයේ ගනුදෙනු අවසන් වෙද්දී සියලු කොටස් මිල දර්ශකය ඒකක 349.84කින් පහළ ගොස් ඒකක 15,657.60ක් ලෙස සටහන්ව තිබුණු අතර S&P SL20 දර්ශකය ඒකක 119.30කින් පහළ ගොස් ඒකක 4,643.32ක් ලෙස සටහන්ව තිබුණි.
ඊයේ (02) දිනයේදී සියලු කොටස් මිල දර්ශකය නැවතත් ඒකක 16,000 ඉක්මවා ගොස් තිබුණු අතර මේ පසුබෑම උද්ගතව තිබුණේ අමෙරිකානු ජනාධිපති ඩොනල්ඩ් ට්රම්ප් විසින් ශ්රී ලංකාවෙන් ආනයනය කරන භාණ්ඩ සඳහා 44% ක තීරුබද්දක් පනවන බව අද උදෑසන ප්රකාශයට පත් කළ පසුබිමක ය.
