සටහන – නිශ්මං රණසිංහ
අප්‍රේල් 05, කොළඹ (LNW): බැඩ්මින්ටන් ක්‍රීඩිවේ නියුතු ප්‍රවීන ක්‍රීඩක ක්‍රීඩිකාවන්ට සහභාගි විය හැකි ජාත්‍යන්තර බැඩිමින්ටන් තරගාවලියක් ජූලි මස 25 – 28 යන දිනවල කොළඹ වෙළඳ සේවා බැඩිමින්ටන් ගෘහස්ත ක්‍රීඩාංගණයේ දී පැවත්වීමට සූදානම් කර ඇත.සිලෝන් මාස්ටර්ස් ජාත්‍යන්තර බැඩ්මින්ටක් සූරතාවලිය ලෙස නම් කර තිබෙන මෙම තරගාවලියේ ජයග්‍රාහකයන්ට ඇමෙරිකානු ඩොලර් 10000 ක ත්‍යාග මුදලක් වෙන් කර ඇත.
සිලෝන් මාස්ටර්ස් බැඩිමින්ටන් සංවිධානය කරන මෙම තරගාවලියට විදේශ ප්‍රවීනයන් ද එක් වෙනු ඇති බවට තරග සංවිධායකයන් විශ්වාසය පළ කරන අතර ඒ අනුව රටට පලදායි විදේශ විනිමයක් මේ තරගාවලිය හරහා ලබා ගැනීමට හැකිවනු ඇත.
තරගාවලිය සඳහා මාර්ගගත ක්‍රමයට ලියාපදිංචි වීමේ හැකියාව ඇති අතර වැඩිදුර තොරතුරු සඳහා +94777996699,+94772279392 සහ +94777443949 යන දුරකතන අංක හරහා මෙන්ම [email protected] යන විද්‍යුත් තැපෑල හරහා ද ලබා ගැනීමේ හැකියාව ඇත.
