රට තුළ පවත්නා අර්බුදකාරී තත්ත්වය සම්බන්ධයෙන් හෙට සහ අනිද්දා යන දෙදින තුළ විශේෂ පාර්ලිමේන්තු විවාදයක් පැවැත්වීමට තීරණය කර තිබේ.
ඒ, අද කැඳවූ පාර්ලිමේන්තුව කල්තැබීමෙන් අනතුරුව පැවති පක්ෂ නායක රැස්වීමේදී ඇති වූ එකඟතාවක් මතය.
කථානායක මහින්ද යාපා අබේවර්ධන මහතාගේ ප්‍රධානත්වයෙන් එම පක්ෂ නායක රැස්වීම කැඳවනු ලැබීය.
අද පාර්ලිමේන්තුව කැඳවූ අවස්ථාවේ සභාව අමතමින් ජාතික ජන බලවේගයේ නායක අනුර දිසානායක මහතා යෝජනා කළේ ඇමතිවරු නැති පනත් ගැන දැන් පාර්ලිමේන්තුවේ කතා කිරීමෙන් පලක් නැති හෙයින් වහාම පාර්ලිමේන්තු රැස්වීම අත්හිටුවා පක්ෂ නායක රැස්වීමක් කැඳවන ලෙසයි.
ASK