1971 කැරැල්ලේදී මියගිය ජනතා විමුක්ති පෙරමුණේ සාමාජිකයින් සිහිකෙරෙන “අප්රේල් විරු සමරුව” ලබන වසරේදී පවත්වන්නේ ජවිපෙ ප්රධාන ආණ්ඩුවක් යටතේ යැයි තමන්ට සහතික බව ජවිපෙ හිටපු පළාත් සභා මන්ත්රී, ජාතික ජන බලවේගයේ විධායක සභික නලින් හේවගේ මහතා පවසයි.
“ඔවුන්ට මේ තැනට ඇවිල්ලා මල් කළඹක් තැබීමෙන්, පහනක් පත්තු කිරීමෙන් පමණක් ඔවුන්ට සාධාරණය ඉෂ්ඨ කරන්න බෑ. හැබැයි අපි සතුටු වෙනවා විශෙෂයෙන්ම ඔවුන්ගේ අරමුණ අපේ දෑස් ඉස්සරහා යතාර්ථයක් වෙන සමීපතම කාල පරිච්ඡේදයකට අපේ දේශපාලනය ගමන් කරලා තියෙනවා. මම හිතන්නෙ ලබන අවුරුද්ද වෙනකොට අපි ඔවුන්ව සමරන්නේ අපේම ආණ්ඩුවක් යටතේ කියලා අපට දැඩි විශ්වාසයක්, දැඩි සහතිකයක් අපි හැමදෙනාටම තියෙනවා”
නලින් හේවගේ මහතා මේ බව පැවසුවේ ඊයේ (05) බද්දේගම ප්රදේශයේදී පැවති ජවිපෙ අප්රේල් විරු සමරුව අමතමිනි.
RN
