කොළඹ LNW: ශ්‍රී ලංකා නිදහස් පක්ෂයේ ප්‍රජාතන්ත්‍රවාදී බව ආරක්ෂා කරගැනීමත් පාක්ෂිකයා තුළ විශ්වාසය තහවුරු කිරීමත් සඳහා ශ්‍රී ලංකා නිදහස් පක්ෂයේ දේශපාලන මණ්ඩලය රැස් වී තීන්දු තීරණ කිහිපයක් ගත බවත් එර අනුව ජ්‍යෙෂ්ඨ උප සභාපති නිමල් සිරිපාල ද සිල්වා මහතා වැඩබලන සභාපති ලෙසත් ප්‍රධාන අනුසාශිකාව ලෙස හිටපු ජනාධිපතිනි චන්ද්‍රිකා කුමාරතුංග මහත්මිය දේශපාලන මණ්ඩලයට කැඳවීමත් පක්ෂ ප්‍රජාතන්ත්‍රවාදී ව්‍යවස්ථාවක් බවට පත්කිරීමටත් යෝජනා කර ගත් බවත් ජාතික සංවිධායක පාර්ලිමේන්තු මන්ත්‍රී දුමින්ද දිසානායක මහතා පැවසුවේය.
ඒ, අද (08) ශ්‍රී ලංකා නිදහස් පක්ෂයේ දේශපාලන මණ්ඩල රැස්වීමෙන් අනතුරුව මාධ්‍ය වෙත අදහස් දක්වමිනි.
විශේෂයෙන් පක්ෂය පසුගිය කාලය තුළ පසුබෑමට ලක්වුණේ හිටපු සභාපතිවරයා ඒකාධිපති ලෙස පක්ෂ ව්‍යවස්ථාව වෙනස්කරගැනීම නිසා වන හෙයින් එය වෙනස් කරගැනීම සන්ධ කමිටුවක් පත්කර තිබෙන බවයි දිසානායක මහතා සඳහන් කළේ.
මේ වන විට පක්ෂයෙන් වෙන් වුණ,බෙදුණු,ඇතුළු පක්ෂයේ සියලු දෙනාට දැන් අලුත් බලාපොරොත්තුවක් ඇතිකරගත හැකි බවද මන්ත්‍රීවරයා අවධාරණය කළේය.
ආශිකා බ්‍රාහ්මණ
