”දරුණු අවුරැලි නගන නගරෙකත්
මහ රෑට හද්ද සීතල වෙනවා”
කවදාවත් මුහුද තරණය නොකල මට
මූදු හතක් තරණය කරලා ඇවිත්
මට ඔයා කිව්වෙ එහෙම
ඒත් මං හිතුවා – ‘එහෙම නැතිව ඇති’
කියලා.
ඔහොම ඔහොම තරම කාලෙකට පස්සෙ
අපි එහා මෙහා මගෑරුණු කාලකට පස්සෙත්,
‘එහෙම තමා දේවල් වෙන්නෙ’
මං කියන්නෙ,
උදේට රස්නි නං – රෑට සීතයි,
එයා හරි!
මට කියන්න ඕනෙ උනෙ මෙච්චරයි,
කවමදාවත් එකට නොහිටපු රටකත්
අර, තද නිල්පාට පිටේ දාන බෑග් එක
ඒ වගේ වෙන බෑග් එකක් දැක්කත්
හිත ගැස්සෙන එක – ඇත්තක්!
~ හෂාන් අබේගුණරත්න
