ඊයේ (09) උදෑසන 09.00 ට කොළඹ ගෝල්ෆේස් පිටිය අසල ආරම්භ වූ දැවැන්ත මහජන විරෝධතාව මේ වනවිටත් අඛණ්ඩව ක්‍රියාත්මක වෙමින් තිබේ.
ඊයේ රාත්‍රිය එළිවෙනතුරාම විරෝධතාකරුවන් ජනාධිපති කාර්යාලය ඉදිරිපිට සටන් පාඨ කියමින් රැඳී සිටි අතර අද (10) දහවල් වනවිට ඇද හැළුණු මහවැසිත් නොතකා විවිධ ප්‍රදේශවල සිට ජනකාය ඊට එක්වෙනු දක්නට ලැබිණි.
විරෝධතාවෙහි නිරත වී සිටින පිරිස සඳහා අවශ්‍ය ආහාර හා ජලය ද ඔවුනොවුන්ව එකමුතුව සපයා ගන්නා ආකාරයත් ඉතාම සාමුහිකව ඔවුන් එහිදී කටයුතු කරන ආකාරයත් එහි දැකගැනීමට හැකිවිය.
ජනාධිපතිවරයාට සහ ආණ්ඩුවට එරෙහිව ජනතාව විසින්ම කැඳවනු ලැබූ මෙම විරෝධතාව අද රාත්‍රිය පුරාත් ක්‍රියාත්මක වීමට නියමිතය.
RN