සටහන – රෂිකා හෙන්නායක
අප්‍රේල් 11, කොළඹ (LNW): නේවාසිකව ප්‍රතිකාර ලබන හා පුනරුත්ථාපන කටයුතුවල නිරතව සිටින රණවිරුවන්ගේ සුවදුක් විමසීම සඳහා යුද හමුදාපති ලුතිනන් ජෙනරල් විකුම් ලියනගේ මහතා පාංගොල්ල පිහිටි අබිමංසල III රණවිරු සුවතා මධ්‍යස්ථානයට පැමිනි අතර , යුද හමුදාපතිවරයා එහිදී නිලධාරීන් සහ සෙසුනිලයින් සමඟින් නේවාසිකව ප්‍රතිකාර ගනුලබන රණවිරුවන්ගේ වාට්ටු වෙත ගොස් ඔවුන්ගේ සුවදුක් විමසමින් සුහදව අදහස් හුවමාරු කරගන්නා ලදී. එහිදී ඔවුන් වෙත විශේෂ අලුත් අවුරුදු ත්‍යාග පාර්සල් ද ප්‍රදානය කරමින්ය.
ඊට සමගාමීව යුද්ධ හමුදාවේ ජ්‍යෙෂ්ඨ නිලධාරීන් දිවයින පුරා පිහිටි සියලුම රණවිරු සුවතා කේන්ද්‍රයන්හි ප්‍රථිකාර ලබන රණක්ෂිතයට පත් රණවිරුවන්ගේ සුවදුක්විමසීමට එක්ව සිටි බව සඳහන් වේ.
