කොළඹ LNW:ත්‍රස්ත විරෝධි නව පනත් කෙටුම්පත එළඹෙන 25 වැනි දා පාර්ලිමේන්තුවට ඉදිරිපත් කරන බව අධිකරණ අමාත්‍ය ආචාර්ය විජයදාස රාජපක්ෂ මහතා පවසයි.
පසුගිය 04 වැනි දින එය පාර්ලිමේන්තුවට ඉදිරිපත් කිරීමට සැලසුම් කර තිබුණද පාර්ශව රැසක විරෝධය හේතුවෙන් එය තාවකාලිකව නතර කර තිබුණි.
කෙසේ වෙතත් ලබන 25 වැනි දා පාර්ලිමේන්තුවට ඉදිරිපත් කිරීම සඳහා ඒම පනත් කෙටුම්පත න්‍යාය පත්‍රයට ඇතුළත් කරන ලෙස තමන් ඉල්ලීමක් කළ බවයි අධිකරණ අමාත්‍යවරයා සඳහන් කරන්නේ.
එමෙන්ම වින්ධිතයින් සහ සාක්ෂකරුවන් ආරක්ෂා කිරීමේ නව පනත් කෙටුම්පතක් ද ලබන 25 වැනි දායින ආරම්භ වන පාර්ලිමේන්තු සතිය තුළ ඉදිරිපත් කිරීමට සැලසුම් කර ඇත.
දුෂණ මර්දන පනත් කෙටුම්පත මැයි මාසයේ පළමු පාර්ලිමේන්තු සතියේදී පාර්ලිමේන්තුවට ඉදිරිපත්වනු ඇති බව රාජපක්ෂ මහතා කියාසිටියි.
කෙසේවෙතත් මහත් ආන්දෝලනයකට තුඩු දී ඇති ප්‍රති ත්‍රස්ත පනතට ආණ්ඩුව තුළද විවේචනාත්මක තත්ත්වයක් මතුව තිබෙන අතර ජනතාවගේ ප්‍රජාතන්ත්‍රවාදී අයිතීන් උල්ලංඝනය වන්නේ නම් ඊට සහය දැක්විය නොහැකි බව ද ශ්‍රී ලංකා පොදු ජන පෙරමුණේ මැති ඇමතිවරු ප්‍රකාශ කර තිබේ.
ආශිකා බ්‍රාහ්මණ
