සටහන – රෂිකා හෙන්නායක
අප්‍රේල් 16, කොළඹ (LNW):සිංහල දමිළ අලුත් අවුරුද්දට ගම්බිම් බලා ගිය ජනතාව දීර්ඝ නිවාඩුවකින් පසු නැවත කොළඹට පැමිණෙමින් සිටින අතර , අදත් (16) ඒ වෙනුවෙන් විශේෂ ප්‍රවාහන සේවා ක්‍රියාත්මක බව සඳහන් වේ.
හෙට (17) දක්වා අලුත් අවුරුද්ද වෙනුවෙන් ගම්බිම් බලා ගිය ජනතාවට කොළඹට පැමිණීම සඳහා විශේෂ බස් සේවා ක්‍රියාත්මක බව ලංකා ගමනාගමන මණ්ඩලය කියා සිටී.
පෞද්ගලික බස් රථ 25% ක් පමණ ඊයේ (15) ධාවනයට එක් කළ බව ලංකා පෞද්ගලික බස් හිමියන්ගේ සංගමය සඳහන් කළ අතර , අද ඊට වැඩි බස්රථ සංඛ්‍යාවක් ධාවනයට එක් කරන බව ලංකා පෞද්ගලික බස් හිමියන්ගේ සංගමය ප්‍රකාශ කළේ ය.
මේ අතර ගම්බිම් බලා ගිය ජනතාවට යළි කොළඹ පැමිණීම සඳහා අතිරේක දුම්රිය 12ක් ධාවනයට එක් කර ඇතැයි දුම්රිය දෙපාර්තමේන්තුව පවසයි.
බදුල්ල, බෙලිඅත්ත සහ ගාල්ල සිට එම දුම්රිය කොළඹ කොටුව බලා ධාවනය වීමට නියමිත අතර , අධික මගී ඉල්ලුම සැලකිල්ලට ගෙන කොළඹ සිට බදුල්ල සහ ගාල්ල දක්වාත්, අමතර දුම්රිය යෙදවීමට පියවර ගෙන ඇතැයි දුම්රිය දෙපාර්තමේන්තුව පවසයි .
