අද (16) උදෑසන වනවිට ගෝල්ෆේස් පිටිය ආසන්නයේ පෝට්සිටි අසල මාර්ගයේ පොලිස් ට්‍රක් රථ 10ක් පමණ රඳවා තිබෙනු දක්නට ලැබිණි.
ආණ්ඩුව ගෝල්ෆේස් මහජන විරෝධතාව විසුරුවා හැරීම සඳහා සැලසුම් කරන බවට ඊයේ දිනයේ සිට අපත් ඇතුළු මාධ්‍ය සහ සමාජ මාධ්‍ය කර තිබුණු අනාවරණයන් අනුව මෙසේ පොලිස් ට්‍රක් රථ විශාල සංඛ්‍යාවක් කැඳවා තිබීම ජනතාවගේ සැකයට හේතුවූ අතර ඊට එරෙහිව සමාජ මාධ්‍ය තුළ දැඩි විරෝධයක් ද ගොඩනැඟෙමින් තිබිණි.
ඒ අනුව පැය කිහිපයකට පසුව එම ට්‍රක් රථ එම ස්ථානයෙන් ඉවත් කර ගැනීමට පොලිසිය කටයුතු කර තිබෙනු දැකගත හැකි විය.
මේ අතර මේ සිද්ධිය සම්බන්ධයෙන් නිවේදනයක් නිකුත් කරමින් ශ්‍රී ලංකා නීතිඥ සංගමය ද රජයට අවධාරණය කර තිබුණේ සාමකාමීව විරෝධතා දැක්වීමේ අයිතිය මෙරට ආණ්ඩු ක්‍රම ව්‍යවස්ථාවෙන්ම තහවුරු කර ඇති බැවින් ගෝල්ෆේස් පිටියේ පැවැත්වෙන සාමකාමී විරෝධතාවට බාධා කිරීමට උත්සාහ නොකරන ලෙසයි.
RN
