සටහන – රෂිකා හෙන්නායක
කොළඹ (LNW): ශ්රී ලාංකිකයන්ට විවෘත තරග හා විදේශිකයන් සඳහා තරගවලින් සමන්විතව පැවැත්වෙන “වසත් සිරිය 2023” සිංහල හා දෙමළ අලුත් අවුරුදු උත්සවය අප්රේල් 22 වනදා ගාලු මුවදොර හරිත භූමියේ දී පැවැත්වීමට නියමිතව තිබේ.
ජනාධිපති මාධ්ය අංශය සඳහන් කළේ, ජනාධිපති කාර්යාලය, අග්රාමාත්ය කාර්යාලය, රාජ්ය පරිපාලන අමාත්යාංශය ඇතුළු සියලු අමාත්යාංශ හා රාජ්ය අංශයේ ආයතන ගණනාවක කාර්ය මණ්ඩලවල එකමුතුවෙන් එය සංවිධානය කර ඇති බවය.
එදින පෙරවරු 7.00 සිට පස්වරු 5.00 දක්වා පැවැත්වෙන අලුත් අවුරුදු ක්රීඩා හා තරග ඉසව්වලින් අනතුරුව පස්වරුවේ මියැසි ප්රසංගයක් ද සංවිධානය කර තිබේ.
ජනාධිපති මාධ්ය අංශය වැඩිදුරටත් සඳහන් කළේ, රාජ්ය අංශය, විවෘත අංශය සහ ආගන්තුක අංශය යන කොටස් 03ක් යටතේ මෙහි තරග ඉසව් සංවිධානය කර ඇති බවයි.
