ඉසුරු පරාක්රම
කොළඹ (LNW): තවත් රජයේ සේවාවන් 04ක් අත්යාවශ්ය සේවා බවට පත්කරමින් අති විශේෂ ගැසට් පත්රයක් නිකුත් කර තිබේ.
ජනාධිපති රනිල් වික්රමසිංහ මහතා විසින්, 1979 අංක 61 දරණ අත්යාවශ්ය රජයේ සේවා පනතේ දෙවන වගන්තිය ඔස්සේ ඔහුට පැවරෙන බලතල ප්රකාරව 2023 අප්රේල් 17 වන දින සිට බලපැවැත්වෙන පරිදි මෙම ගැසට් පත්රය නිකුත් කර තිබේ.
ඒ අනුව, විදුලිය සැපයීම, ඛනිජ තෙල් නිෂ්පාදන සහ ඉන්ධන සැපයීම හෝ බෙදා හැරීම සම්බන්ධ සේවාවන්, තැපැල් සේවය සහ රෝහල්, සාත්තු නිවාස, බෙහෙත් ශාලා, සහ ඒ හා සමාන ආයතනවල රෝගීන්ගේ නඩත්තුව, රැකවරණය, පෝෂණය සහ ප්රතිකාර සඳහා අවශ්ය සියලු සේවාවල වැඩ හෝ ශ්රමය අත්යාවශ්ය සේවාවන් බවට ප්රකාශ කර තිබේ.