සටහන – රෂිකා හෙන්නායක
අප්රේල් 20, කොළඹ (LNW): ඊශ්රායලයේ උතුරු කලාපයේ ලෙබනන් මායිම හරහා විටින් විට ෂෙල් ප්රහාර වාර්තා වන බවත්, ඒ කලාපයේ සිටි ලක්ෂ එකහමාරකට වැඩි ශ්රී ලාංකිකයින් පිරිස එම කලාපයෙන් වෙනත් ස්ථානවලට තාවකාලිකව යොමුකර ඇතැයි ඊශ්රායලයේ ශ්රී ලංකා තානාපති නිමල් බණ්ඩාර මහතා පවසයි.
ඊශ්රායලයේ වෙසෙන ශ්රී ලාංකිකයින්ගෙන් 70% ක් පමණ නිවෙස්වල ආරක්ෂිතව සේවය කරන බවත්,15% ක් පමණ කෘෂිකර්ම වැඩබිම්වල සේවය කරන බවද, 15% ක් පමණ කෘෂිකර්ම වැඩබිම්වල සේවය කරන බවද, ඔහු සඳහන් කළේය. ඉතිරි පිරිස ඉදිකිරීම් හා වෙනත් අංශවල සේවයේ දී සිටින බවද පැවසේ.
තවත් ශ්රී ලාංකික පිරිසක් නව ස්ථානවලට ගොස් ඇති බවත්, ඔවුන් කිසිවකුත් ගැන ගැටලුවක් ඇති නොවන බව තානාපතිවරයා තහවුරු කළ බව පැවසේ.
ඊශ්රායලයේ ශ්රී ලංකා තානාපති කාර්යාලය එරට සිටින ලාංකිකයන් පිළිබඳව නිරන්තරයෙන් විමසිලිමත් වන බවත්, පවතින තත්ත්වය මත ගැටලුකාරී පසුබිමකට මුහුණ දෙන පුද්ගලයින් ඇත්නම් තානාපති කාර්යාලය සම්බන්ධ කර ගන්නා ලෙසද දන්වා සිටී.
ශ්රී ලංකාවේ සිට යුරෝපයට ගමන් ගන්නා බොහෝ ගුවන් ගමන් ඊශ්රායල් කලාපය හරහා ගමන් ගන්න බැවින් , නිරන්තරයෙන් ගුවන් ගමන් වෙනස්වීම් හා ආරක්ෂක හේතු මත ගුවන් ගමන් ප්රමාද විය හැකි බවද දන්වා සිටී.
