යොවුන් ක්රීඩිකා තරුෂි කරුණාරත්න සියවැනි ජාතික මලල ක්රීඩා සූරතාවලියේ කාන්තා මීටර් 400 ඉසව්ව ජය ගත්තාය.ලෝක කණිෂ්ඨ මලල ක්රීඩා සූරතාවලිය සඳහා සුදුසුකම් ලබා සිටින තරුෂි,මෙහිදී තත්පර 53.85 ක දක්ෂතාවයක් දක්වමින්,මේ වසරේ ලෝකයේ අවුරුදු 20 න් පහළ ක්රීඩිකාවක් වාර්තා කළ විසිවැනි හොඳම කාලය වාර්තා කෙරුවාය.ඇයට පෙර එම දක්ෂතා සටහනේ විසිවන තැන සිටියේ නඕමි ජොන්සන් ය.
වලල ඒ රත්නායක විද්යාලය නියෝජනය කරන තරුෂි මෙන්ම ගම්පහ සිරිකුරුස විද්යාලය නියෝජනය කරන එම්.එච්.ජේ.උත්තරා ද උපරිම දක්ෂතා අතරට එමින් දෙවැන්නිය වූවාය.ඇය ද ලෝක කණිෂ්ඨ මලල ක්රීඩා සූරතාවලිය සඳහා සුදුසුකම් ලද ක්රීඩිකාවකි.ඇය මේ තරගයේ වාර්තා කළ තත්පර 54.14 මේ වසරේ ලොව වාර්තා වූ හොඳම කාල අතරේ විසිතුන් වැන්න වන්නේය.
RM