අද (26) මධ්‍යම රාත්‍රියේ සිට ක්‍රියාත්මක වන පරිදි ගෘහස්ථ ගෑස් සිලින්ඩරයක මිල ඉහළ දැමීමට ලිට්‍රෝ ගෑස් සමාගම තීරණය කර තිබේ.
ඒ අනුව කිලෝග්‍රෑම් 12.5 ගෘහස්ථ ගෑස් සිලින්ඩරයක නව මිල රුපියල් 4860ක් වේ.
මෙය එකවැර රුපියල් 2185කින් මිල ඉහළ නැංවීමක් වන අතර මෙරට ඉතිහාසයේ මෙවන් ගෑස් මිල වැඩිවීමක් සිදුවූ පළමු අවස්ථාව ද මෙයයි.
මීට අමතරව කි.ග්‍රෑ. 5 ගෑස් සිලින්ඩරයක මිල රුපියල් 874කින් ඉහළ නංවා ඇති අතර එහි නව මිල රු. 1945කි.
කි.ග්‍රෑ. 2.3 ගෑස් සිලින්ඩරයක මිල ඉහළ නංවා ඇත්තේ රුපියල් 407කින් වන අතර එහි නව මිල රු. 910ක් බව සඳහන්.
වත්මන් ආණ්ඩුව බලයට පැමිණෙන කාලය වනවිට කිලෝග්‍රෑම් 12.5 ගෑස් සිලින්ඩරයක මිල පැවතියේ රුපියල් 1495ක් වශයෙනි.
RN