සටහන – රෂිකා හෙන්නායක
අප්‍රේල් 27, කොළඹ (LNW): කොළඹ පෙරහැර මාවතෙන් ‘රනිල්ට ඉඩ දෙමු’ යතුරු පැදි සවාරිය ගමන් ආරම්භ කළ අතර, දින 05ක් රට පුරා මෙම යතුරු පැදි සවාරිය ගමන් කිරීමට නියමිත බව පැවසේ.
අනතුරුව එය මැයි දින සැමරුම සමඟ එක්වීමට සැළසුම් කර තිබෙන බව සඳහන් වේ.
එක්සත් ජාතික පක්ෂයට අනුබද්ධ ජාතික යොවුන් පෙරමුණ ඇතුළු තරුණ සංවිධාන එක්ව මෙය සංවිධාන කර ඇති අතර, සමාරම්භක අවස්ථාවට ජනාධිපති වෘත්තීය සමිති අධ්‍යක්ෂ ජනරාල් සමන් රත්නප්‍රිය මහතා ඇතුළු පිරිසක් එක්ව සිටි බව වාර්තා වේ.
