ඉදිරි ජනාධිපතිවරණයේ අපේක්ෂකයා වශයෙන් ඉදිරිපත් කරන්නේ කවුරුන්ද යන්න සම්බන්ධයෙන් ප්‍රසිද්ධියේ කිසිවක් ප්‍රකාශ නොකරන ලෙස ශ්‍රී ලංකා පොදුජන පෙරමුණේ මැති ඇමතිවරුන්ට එම පක්ෂයේ නායකයින් විසින් දැනුම් දී ඇති බව වාර්තා වේ.
ජනාධිපතිවරණයට තවත් වසරකට වැඩි කාලයක් ඇති බැවින් දැන්ම තබා අපේක්ෂකයින් පිළිබඳ අදහස් දැක්වීමෙන් ගැටලු මතුවීම මීට හේතුවී තිබේ.
ප්‍රසන්න රණතුංග, කංචන විජේසේකර වැනි ඇමතිවරුන් පසුගිය දිනවල මීළඟ ජනාධිපතිවරණය සඳහා අපේක්ෂකයා වශයෙන් රනිල් වික්‍රමසිංහ මහතාව ඉදිරිපත් කළයුතු බවට අදහස් දක්වා තිබීම තුළ පොහොට්ටුව අභ්‍යන්තරයේ යම් මතභේදාත්මක තත්වයක් උද්ගතව ඇතැයි යන්න රහසක් නොවේ. දැනටමත් කණ්ඩායම් දෙකක් වශයෙන් බෙදෙමින් පවතින පොහොට්ටුව මේ ඔස්සේ වඩාත් ගැඹුරු ලෙස බෙදීයාම වළක්වා ගැනීම සඳහා ජනාධිපතිවරණ අපේක්ෂකයින් පිළිබඳ ප්‍රසිද්ධියේ කතාකිරීමෙන් වැළකී සිටීමට මන්ත්‍රීවරුන්ට උපදෙස් දී ඇති බව සඳහන්.
RN
