රෂිකා හෙන්නායක
අද මධ්‍යම රාත්‍රියේ සිට ක්‍රියාත්මක මැතිවරණ නිහඬ කාලය තුළ ඡන්ද දායකයාට තම කොට්ඨාසයට පත් කර ගන්නා මහජන නියෝජිතයා සම්බන්ධයෙන් තීරණයක් ගැනීමට නිදහස් පරිසරයක් නිර්මාණය කරදෙන ලෙස සියලුම අපේක්‍ෂකයින්ගෙන් ඉල්ලා සිටින බව පැෆ්රල් සංවිධානය පවසයි.
ඒ සම්බන්ධයෙන් කරුණු දැක්වූ පැෆ්රල් සංවිධානයේ විධායක අධ්‍යක්‍ෂ රෝහණ හෙට්ටිආරච්චි මහතා කියා සිටියේ,සිය සංවිධානයේ මැතිවරණ නිරීක්‍ෂණ කටයුතු සඳහා නිලධාරීන් 3,000කට ආසන්න ප්‍රමාණයක් දිවයින පුරා යෙදවීමට සැලසුම් කර ඇති බවයි.
