සටහන: සශිකලා මධුෂාණි
මැයි 03; ලෝකය(අවුට්බවුන්ඩ් ටුඩේ): ඊශ්රායලයේ ටෙල් අවිව් සහ ජෙරුසලම අතර ප්රධාන මාර්ගය ගිනිගෙන වැසී යාමත් සමඟ අගමැති බෙන්ජමින් නෙතන්යාහු ජාතික හදිසි අවස්ථාවක් ප්රකාශයට පත් කර ඇති බව වාර්තා වේ.
මේ වන විට ගින්න හේතුවෙන් අක්කර 5,000 ක් පමණ ගිනිගෙන විනාශ වී ඇති අතර ගිනි නිවන භටයින් භූමියෙන් සහ ගුවනින් ගින්න නිවීම වෙනුවෙන් කටයුතු කරමින් සිටින අතර පවතින තද සුළං සහිත වියලි කාලගුණය ගින්න මැඩපැවැත්වීමට විශාල බාධාවක් වී ඇත.
නැවත දැනුම් දෙන තුරු ජාතික වනෝද්යාන සහ වනාන්තරවලින් ඉවත්ව සිටින ලෙස මහජනතාවට උපදෙස් ලබා දී ඇති අතර මැගන් ඩේවිඩ් ඇඩොම් (MDA) හදිසි ඒජන්සියට අනුව, පිළිස්සුම් තුවාල සහ දුම් ආශ්වාසය ඇතුළු පුද්ගලයින් 20 කට වැඩි පිරිසක් වෛද්ය ප්රතිකාර ලබාගෙන තිබේ.
මේ වන විට ග්රීසිය, සයිප්රසය සහ ඉතාලියෙන් ජාත්යන්තර ආධාර ලැබී ඇති අතර තවත් රටවල් විශාල ප්රමානයක් ඉදිරියේදී සහය දක්වනු ඇති බව විශ්වාස කෙරේ,
ඊශ්රායල අගමැති බෙන්ජමින් නෙතන්යාහු මාධ්ය වෙත සඳහන් කර තිබුණේ, ගිනි තැබීම් සම්බන්ධයෙන් සැකපිට පුද්ගලයින් 18 දෙනෙකු රඳවාගෙන ප්රශ්න කරන බවයි.
