නලින් ද සිල්වා මියගිය පුවත පෙරේදා හවස මුහුණු පොතින් දැක ගන්නට ලැබුනි.. ඔහු ගැන ගුණ වර්ණනා සුළු ප්‍රමාණයක් සේම ඔහුගේ දේහයටත් ගල් මුල් ප්‍රහාර එල්ල වෙනු දුටිමි..
මට නම් කියන්න තියෙන්නෙ උතුරට කෙළවන්නම හිතාගෙන මහින්දව ගෙනල්ලා මහින්ද බල්ලෙක් නාවන්න ඇදං යනවා වගේ යුද්ධෙට ඇදං ගියපු ප්‍රවාහයක හිටපු මිනිහෙක් විදියට මට නම් නලින් ද සිල්වට ගල් ගැසිය නොහැකි බවයි..
ලංකාවේ සිංහල බෞද්ධ ජාතිකවාදයයි, වාම ජාතිකවාදයි දෙකම එකම ගෝත්‍ර මකරෙක්ගේ ඔළු දෙකක් බව මට වැටහෙන්න කාලයක් ගියා..
නලින් ද සිල්වා කියන්නෙ දූපතේ ප්‍රාඥයෙක් වග ඔහුගේ ප්‍රතිවාදීන්ට පවා පිලිගන්ට වෙන යතාර්තයක් ..ඒ වගේම වර්ගවාදය කියන්නේ මේ දූපතේ ජානගත රෝගයක්, ඒ ජානගත රෝගය නිසාම නලින් ද සිල්වා වැන්නවුන්ගේ දැනීමත් බල්ලාගේ අධෝමුඛයේ බැන්ද මීවදයක් වගේ උනා.. ඔහුගේ බුද්ධිය පාවිච්චි උනේ විනාශකාරී වර්ගවාදයක අටුවා ටීකා ටිප්පනි ලියලා ඝන පිහිටුවලා දෙන්න..
ලංකාවේ ඇකඩිමිකයන් අතින් මිනිස්සු මතවාදීව අර්බූදයට අරන් ගිය අවස්තා මිසක් මිනිස්සු විසඳුමක් කරා අරන් ගිය අවස්තා හරි අඩුයි..
මෙතනදී නලින් ද සිල්වා කියන්නේ ඇකඩමිකයෙකුට මිනිසුන්ව අරන් යන්න පුළුවන් විනාශයේ ඉම සලකුණු කරලා පෙන්වපු එක පුද්ගලයෙක් ….
~ ප්‍රියශාන්ත රාජපක්ෂ
RN
