සටහන – රෂිකා හෙන්නායක
මැයි 04, කොළඹ (LNW): පසුගිය දා ඛේදනීය ලෙස සිදුවූ FOXHILL රිය අනතුරින් දිවි අහිමි වූ හා තුවාල ලැබූ පුද්ගලයින් සඳහා වන්දි මුදල් පිරිනැමීමට ක්‍රීඩා අමාත්‍යාංශය පියවර ගෙන ඇති බව සඳහන් වේ,
දිවි අහිමි වූ 7 දෙනා වෙනුවෙන් එක් අයෙකුට රුපියල් මිලියනය බැගින් ලබා දෙන බව එම අමාත්‍යාංශය පවසයි.
තුවාල ලැබූ එක් අයෙකුට ලබා දෙන වන්දි මුදල රුපියල් 250,000ක් බව සඳහන් වේ.
අප්‍රේල් මස 21 වැනි දා පැවැති 2024 FOXHILL මෝටර් රථ ධාවන තරගය අතරතුර මෝටර් රථයක් ධාවන පථයෙන් ඉවතට පෙරලී සිදු වූ අනතුරෙන් දැරියක ඇතුළු 7 දෙනෙකුට දිවි අහිමි වී තවත් පිරිසක් තුවාල ලබා රෝහල් ගත කලහ.
