රෂිකා හෙන්නායක මැයි 06 ,ලෝකය (අවුට්බවුන්ඩ් ටුඩේ):
වසර 20කට පසු චැම්පියන්ස් ලීග් අවසන් මහා තරගයට සුදුසුකම් ලැබීමට ආර්සනල් කණ්ඩායම සමත්ව ඇත.
ඇට්ලෙටිකෝ මැඩ්‍රිඩ් කණ්ඩායමට එරෙහිව පැවති තීරණාත්මක දෙවන වටයේ තරගයේදී බුකායෝ සාකා වාර්තා කළ ගෝලය ඔවුන්ගේ ජයග්‍රහණය තහවුරු කිරීමට හේතු විය.
පසුගිය වසරේ අවසන් පූර්ව වටයෙන් ඉවත් වීමට සිදුවුවද, මෙවර ඔවුන් ප්‍රබල ආරක්ෂක උපක්‍රම භාවිතා කරමින් ප්‍රතිවාදීන් පරාජය කිරීමට සමත් වී ඇත.
මැයි 30 වනදා හංගේරියාවේ බුඩාපෙස්ට් නුවරදී පැවැත්වෙන අවසන් තරගයේදී ඔවුන් බයර්න් මියුනිච් හෝ පී.එස්.ජී. යන කණ්ඩායම් දෙකෙන් එකකට එරෙහිව තරග වැදීමට නියමිතය.
මෙමගින් ආර්සනල් කණ්ඩායමට සිය ඉතිහාසයේ ප්‍රථම වරට මෙම කුසලානය දිනා ගැනීමට මෙන්ම එකම වසරකදී ද්විත්ව ශූරතාවලියක් ජයග්‍රහණය කිරීමටද මහඟු අවස්ථාවක් උදාවී තිබේ.
මෙම ජයග්‍රහණය කණ්ඩායමේ ඉදිරි ගමන පිළිබඳව විශාල බලාපොරොත්තුවක් ඇති කරවන්නකි.
